ကောင်း---ကောင်းကင်အပြား၊ မှ ကောင်းဟန် ၃-စု။

ကောင်းကင်အပြား၊ မျိုးလေးပါး၊ ထင်ရှား အာကာသ။ ။ ၎င်းင်းသရုပ်ကို (အာကာသ ၄-မျိုး)၌ ဆိုခဲ့ပြီ။

ကောင်း ၆၄-ရပ်။ ။ ကောင်းခြင်း ၄၆-မျိုး၊ ဤ၌ ၆၄-ရပ် ယူပုံကား မိန်းမမျိုး ၄-ပါးတို့တွင် ပဒုမ္မနီအစားကိုသာအလိုရှိသည်၊
၎င်းင်းပဒုမ္မနီ၌လည်း 'အသားရွှေ၊ အသားနီ၊ အသားဖြူ၊ အသားညို'ဟူ၍ ပဒုမ္မနီမိန်းမမျိုး၎-ပါး ရ၏။
ထိုလေးပါးတို့တွင် တစ်ပါးတစ်ပါး၌လည်း၊ ဆူ ကြုံ နိမ့် မြင့်အားဖြင့် ၄-ပါးစီ ပြားပြန်ရကား ပဒုမ္မနီမိန်းမပေါင်း ၁၆-ပါး ရ၏။
ထို ၁၆-ပါးတွင် တစ်ပါးတစ်ပါး၌ 'ဥက္ကဋ္ဌ၊ ပဏီတ၊ မဇ္ဈိမ၊ ဟီန' အားဖြင့် လေးပါးစီပြားပြန်ရကား
-ပဒုမ္မနီမိန်းမပေါင်း ၆၄-ပါး ဖြစ်သတည်း။
ဤသို့လျှင် ကောင်းသောပဒုမ္မနီမိန်းမကိုစွဲ၍ (ကောင်းခြောက်ဆယ့်လေးရပ်၊ သွေးထပ်ထပ်ရုပ်ညီ)
စသည်ဖြင့် "ဦးပုည"ရေးသည့်၊ တစ်နည်း "ဘိုးသူတော်ဦးမင်း" ရေးသည့် တေးထပ်ဖြစ်ပေါ်လာ၏၊
ဤကား ဣတ္ထိသျှတ္တရကျမ်းတို့ အလိုတည်း။

ကောင်း ၆၄-ရပ် တစ်နည်း။ ။ ၁၁၄၁-ခုနှစ်တွင် ကင်းဝန်မင်းကြီးရေးသော 'ရွှေကိုယ်တော်ကြီး ဧချင်း၌
'လက္ခဏာရေး၊ ခြောက်ဆယ်လေးက၊ စသည်များပြင်၊ အတင်တင်တည့်'ဟူသော စပ်ဆိုမှုကို ၆၄-ပါးအရ ၀ိသောဓနီစံပြကျမ်း၌ ဖြေကြားသည်မှာ-
(၁) ခြေဖ၀ါးလက္ခဏာ ၁၃-ပါး၊
(၂) ကိုယ်လက္ခဏာ ၁၆-ပါး၊
(၃) စိတ်လက္ခဏာ ၆-ပါး၊
(၄) လက်ဖ၀ါးလက္ခဏာ ၉-ပါး၊
(၅) လည်ပင်းလက္ခဏာ ၁-ပါး၊
(၆) အသံလက္ခဏာ ၃-ပါး၊
(၇) မျက်နှာလက္ခဏာ ၈-ပါး၊
(၈) သွားလက္ခဏာ ၁-ပါး၊
(၉) မျက်စိလက္ခဏာ ၄-ပါး၊
(၁၀) ဆံပင်လက္ခဏာ ၃-ပါး၊ ပေါင်း ၆၄-ပါးဖြစ်၏၊ အကျယ်ကို ၎င်းင်းကျမ်းရင်း၌ရှုလေ။

ကောင်းခြင်း ၃-ဖြာ သာသနာ။ ။ ဘုရားမြတ်၏ ဆုံးမမှု ဓမ္မဓါတ်၌ စ လယ် ဆုံး ၃-ပါးလုံး ကောင်းခြင်း။
(၁) အာဒိ ကလျာဏ- သီလတရားသည် အစ၏ကောင်းခြင်းမည်၏၊
(၂) မဇ္ဈေ ကလျာဏ- သမာဓိ လုပ်ငန်းသည် အလယ်၏ကောင်းခြင်း၊
(၃) ပရိယောသာန ကလျာဏ- မဂ် ဖိုလ် ပညာနိဗ္ဗာန်သည် အဆုံး၏ကောင်းခြင်း မည်၏။

ကောင်းခြင်း ၅-ဖြာ။ ။ မဟာဝဂ္ဂသံယုတ်။ ဋ္ဌ။ ၂၂၉။ နှင့် ဓမ္မပဒအဋ္ဌကထာ၌လာသောနည်း။
(၁) ကေသာ -နက်မှောင်ရှည်လျားသော ဆံပင်၊
(၂) ၀ယ- ၁၆-နှစ်အရွယ် ပျိုမြစ်နုနယ်၍ နေခြင်း၊
(၃) မံသ- စိုပြည်ပြည့်ဖြိုးသောအသားစိုင်များ ရှိခြင်း၊
(၄) အဋ္ဌိ- ဖြူစင်တောက်ပသော သွား၊ နီသောလက်သည်းများ၊
(၅) ဆ၀ိ- ၀ါရွှေသန့်စင်သော အရည်အဆင်းရှိခြင်း။

ကောင်းခြင်း ၅-ဖြာ တစ်နည်း။ ။ မိန်းမများအဖို့ ကြန်အင်ငါးဖြာ ကောင်းခြင်း ငါးမျိုးကို ဆိုသည်၊ တေလပတ္တဇာတ်အဋ္ဌကထာမှ -
(၁) ဆ၀ိကလျာဏ- ပန်းပိတောက် အဆင်း ရွှေအဆင်းကဲ့သို့ ၀ါဝင်းသော အရေအဆင်း၏ ကောင်းခြင်း။
(၂) မံသ ကလျာဏ- ချိပ်ရည်ဆိုးသကဲ့သို့ လက်ခြေ နှုတ်ခမ်းဖျား သန္တာအဆင်းရှိသော အသား၏ကောင်းခြင်း။
(၃) နှာရု ကလျာဏ- အသားနှင့်ညီမျှသောအရပ်၌ ချိပ်ရည်ဖြင့်ပြည့်သကဲ့သို့ လက်သည့်ခြေသည်း
ရှိခြင်း၊ အသားလွတ်ရာ၌ နို့ရည်စိုင်အဆင်းရှိသည်ဖြစ်၍ အကြော၏ကောင်းခြင်း။
(၄) အဋ္ဌိ ကလျာဏ- ညီညာသော ခရုသင်းပွတ်သစ်ပမာ ရတနာရွဲလုံး ပုလဲကုံးသီသွယ်
ထားသကဲ့သို့ညီညွတ်တင့်တယ် ကောင်းမြတ်စင်ကြယ်သော သွားရှိခြင်း။
(၅) ၀ယ ကလျာဏ- အနှစ်တစ်ရာ ရှည်မြင့်ကြာသော်လည်း ၁၆-နှစ် နှယ် ပျိုမြစ်နုနယ် ငယ်သောအရွယ်ဖြင့်တင့်တယ်လှပခြင်း။

ကောင်းခြင်း၆-ဖြာ ပျိုကညာ။ ။ မူလပဏ္ဏာသ။ ပါ။ ၁၂၂။ ဋ္ဌ။ ပ-အုပ်။ ၃၆၄။
(၁) တစ- ၀ါရွှေသော အရေအဆင်း၊
(၂) မံသ- စိုပြည်သောအသား၊
(၃) နခ- ခြေသည်း လက်သည်းနီ၊
(၄) အဋ္ဌိ- ဖြူဖွေးညီညာသောသွား၊
(၅) သရ- ချိုသာသောအသံ၊
(၆) မဏ္ဍလ- ထွားသောရင်၊ ကားသောတင်နှင့် ကိုယ်နေလုံးရပ် ကြည့်ကောင်းခြင်း။

ကောင်းဟန် ၃-စု။ ။ ရွှေနန်းတော်သုံး မြန်မာဝန်စုတို့တွင် ပါဝင်သော ကောင်းဟန်ဝန် ၃-စု။
(၁) ယွန်း ကောင်းဟန်ဝန်၊
(၂) ၀င်း ကောင်းဟန်ဝန်၊
(၃) တပ် ကောင်းဟန်ဝန်။