ကိ---ကိကီမင်းကြီး မှ ကိလေသာ ၁၅၀၀။

ကိကီမင်းကြီး၏ သမီးတော် ၇-ယောက်။ ။ ဇာတ်အဋ္ဌကထာ သတ္တမအုပ်၊ ၂၄၃-၌ ရှုပါ။ ကဿပဘုရားရှင်လက်ထက်၌
(၁) သမဏီ၊
(၂) သမဏ ဂုတ္တာ၊
(၃) ဘိက္ခုနီ၊
(၄) ဘိက္ခုဒါယိကာ၊
(၅) ဓမ္မာ၊
(၆) သုဓမ္မာ၊
(၇) သံဃဒါသီ။
ဂေါတမမြတ်စွာဘုရားလက်ထက်တော်၌၊
(၁) ခေမာ၊
(၂) ဥပ္ပလ၀ဏ်၊
(၃) ပဋာစာရီ၊
(၄) ဂေါတမီ၊
(၅) ဓမ္မဒိန္နာ၊
(၆) မဟာမာယာ၊
(၇) ၀ိသာခါ။


ကိတ် ၃-ပါး။ ။ ဇမ္ဗူဒိပ် နိမိတ်ဟူသော ရှေးဥဒါန်းအရ အသက်ရှိသော သ၀ိညာဏကခေါ် သတ္တ၀ါတို့၏ ကမ္မပစ္စယကိုအကြောင်းပြု၍ သုဘာသုဘ ကောင်းကျိုးမကောင်းကျိုးကိုပြသော နိမိတ်ကြီး ၃-ပါးဟူလို။
(၁) အာကာသ ကိတ်- ထူးခြားစွာ ကြယ်ပျံခြင်း၊ ကြယ်ကြွေခြင်း၊ ဥက္ကာကျခြင်း၊ နေလကြတ်ခြင်း၊ ကြယ်တံခွန်လွှတ်ခြင်း၊ တိမ်တံခွန် ထွက်ခြင်း၊ ဂြိုလ်အသွားအလာဖေါက်ပြန်ခြင်း၊ ဗျဂ္ဃဇာ ၀က္ကဇာ သီဟဇာကျင့်ခြင်းစသော ကောင်းကင်မှဖြစ်ပေါ်သည့်နိမိတ်ဟူသမျှကို "အာကာသ ကိတ်"ဟုခေါ်သည်။
(၂) ဘောမ ကိတ်- တောင်ပို့ပေါက်ခြင်း၊ တောင်ကြီးတော်ငယ်ပေါ်ခြင်း၊ တောင်ပြိုခြင်း၊ မြေပြိုခြင်း၊ ပင်လယ်ဝေခြင်း၊ တော်လည်း၊ ငလျင်လှုပ်ခြင်း၊ မြေမှ အခိုးအလျှံထွက်ခြင်း၊ အိမ်အောက် နန်းအောက် ကျောင်းအောက်တို့၌ မှိုပွင့်ကြီးများပေါက်ခြင်း၊ ကြာပေါက်ခြင်းစသော မြေကြီးနှင့်စပ်၍ဖြစ်ပေါ်သည့် နိမိတ်ဟူသမျှကို "ဘောမ ကိတ်"ဟု ခေါ်ဆိုသည်။
(၃) အန္တလိက္ခ ကိတ်- ဘုရားစေတီတော်တို့မှ ရောင်ခြည်တော် အကြိမ်ကြိမ်လွှတ်ခြင်း၊ မျက်ရည်ယိုခြင်း၊သွေးစိမ်းရှင်ရှင်ယိုခြင်း၊ ချွေးထွက်ခြင်း၊ အမွေးပေါက်ခြင်း၊ သစ်ပင်တို့မှ ရေမီးထွက်ခြင်း၊ အခိုးအလျှံထွက်ခြင်း၊ အခါမဟုတ်ပွင့်ခြင်း၊ ဇရပ် တန်ဆောင်း ကျောင်း နန်းတော်တို့မှ အခိုးအလျှံထွက်ခြင်း၊ အရောင်လွှတ်ခြင်းစသော မြေကြီးနှင့် ကောင်းကင်စပ်ကြားမှ
ဖြစ်ပေါ်သည့် နိမိတ်ဟူသမျှကို "အန္တလိက္ခကိတ်"ဟု မှတ်ရာသည်။

ကိတ္ထိမသား၊ မျိုး ၂-ပါး၊ ခံငြား အမွေ၊ အဘယ်နည်း။ ။ ၎င်းင်းသရုပ်ကို (မွေးစားသား ၂-မျိုး)၌ ရှုပါ။

ကိန္နရာမျိုး ၇-ပါး။ ။ ဤကား အသီတိနိပါတ် မဟာကုဏာလ ဇာတ်လာ ကိန္နရာမျိုးတို့တည်း၊ အာဒိသဒ္ဒါဖြင့်ပြထားရကား ကိန္နရာမျိုးများစွာရှိကြောင်း သိရာ၏။ ကိံ- အဘယ်နည်း။ နရာ- လူလော နတ်လော ဟုမေးရသော သတ္တ၀ါတစ်မျိုး။ ထိုသတ္တ၀ါ၏သဏ္ဍာန်မှာ မြင်း၏မျက်နှာ ငှက်မျက်နှာ လူမျက်နှာ နတ်မျက်နှာ လူနှင့်တူသော ကိုယ်လက်အင်္ဂါရှိကြောင်း၊ နတ်မျိုး နတ်နွယ်ဖြစ်ကြောင်း သိရှိရ၏။
(၁) ဒေ၀ ကိန္နရာ၊
(၂) စန္ဒ ကိန္နရာ၊
(၃) ဒုမ ကိန္နရာ၊
(၄) ဒဏ္ဍမာဏ၀ိက ကိန္နရာ၊
(၅) ကောန္တ ကိန္နရာ၊
(၆) သကုဏကိန္နရာ၊
(၇) ကဏ္ဏပါဝုရဏ ကိန္နရာ။

ကိန်းမျိုး ၂-ပါး။ ။ ၎င်းင်းသရုပ် (၀ုစ်မျိုး ၂-ပါး)၌ ရှုပါ။

ကိရိယာ ၆၀။ ။ ၎င်းင်းသရုပ် အဓိပ္ပါယ်အလုံးစုံတို့သည် (ကြိယာ ၆၀)နှင့် တူ၏။

ကိလေသာစက် ၃၀၀၀-၀က်။ ။ ဤ၌ 'သုံးထောင်ဝက်'ဟူသည်၊ သုံးထောင်၏ထက်ဝက်ဖြစ်သော ထောင့်ငါးရာကိုဆိုသည်၊ ၎င်းင်း၏သရုပ်အဓိပ္ပါယ် (ကိလေသာ ၁၅၀၀)၌ ကြည့်ရှုပါ။

ကိလေသာမျိုး ၃-ပါး။ ။ အခိုက်အတံ့အားဖြင့် ထူးခြားသော ကိလေသာ ၃-ပါး။
(၁) အနုသယ ကိလေသာ- ဥပါဒ် ဌိ ဘင် ထင်ရှားမရှိ မိမိတို့ခန္ဓာအစဉ်၌ အမြဲကိန်းမြုံပါလာသော
ကိလေသာ ဓါတ်ထူး။
(၂) ပရိယုဋ္ဌာန ကိလေသာ- ဥပါဒ် ဌိ ဘင်အားဖြင့် ထင်ရှားထကြွလာလျက် ကာယကံမြောက် ဖေါက်ပြန်ကျူးလွန်မှု မပြုလုပ်နိုင်သော ကိလေသာတစ်မျိုး။
(၃) ၀ီတိက္ကမ ကိလေသာ- ၃-ပါး ဒွါရမှ ထကြွရုံတွင်မကဘဲ လောဘ ဒေါသအလျောက် ဖေါက်ပြန်
ကျူးလွန်မှုပြုစေတတ်သော ကိလေသာမျိုး။

ကိလေသာ ၁၀-ပါး။ ။ ပူပန်ဆင်းရဲစေတတ်သော တရား ၁၀-ပါး။
(၁) လောဘ- ကာမဂုဏ်ငါးပါး၌ သာယာခင်မင် လိုချင်တပ်မက်ခြင်းသဘော၊
(၂) ဒေါသ- ကြမ်းတမ်း ဖျက်ဆီး ပြစ်မှားခြင်းသဘော၊
(၃) မောဟ-အကြောင်းအကျိုးကို အမှန်မသိ တွေဝေမိန်းမောခြင်းသဘော၊
(၄) မာန- စိတ်ထောင်လွှားတက်ကြွခြင်းသဘော၊
(၅) ဒိဋ္ဌိ- အယူမှားခြင်း၊ အမှားကို သိမြင်စွဲလမ်းခြင်း သဘော၊
(၆) ၀ီစိကိစ္ဆာ- "မယုံ့တယုံ"တွေးတောယုံမှားခြင်းသဘော၊
(၇) ထိန- ကုသိုလ်ထဲ၌ စိတ်မခံ့ခြင်း၊ လျော့ပါးဆုတ်နစ်ခြင်း သဘော၊
(၈) ဥဒ္ဓစ္စ- စိတ်၏ကောင်းမှုမှ ပျံ့လွင့်တုန်လှုပ်ခြင်းသဘော၊
(၉) အဟိရိက- မကောင်းမှုမှ မရှက်ခြင်းသဘော၊
(၁၀) အနောတ္တပ္ပ- မကောင်းမှုမှ မကြောက်မလန့်ခြင်းသဘော။

ကိလေသာ ၁၅၀၀။ ။ သတ္တ၀ါတို့၏ကိုယ်စိတ်နှစ်ပါးကို ဆင်းရဲညစ်နွမ်းပူပန်စေကြောင်းဖြစ်သော တရားမျိုးဟူလို။၁၅၀၀-ကိလေသာ မြှောက်ပွားပုံကို ဤသို့သိလေ။
"နာမ် တေပညာသ (၅၃)၊ နိပ္ဖန္နရုပ် (၁၈)၊ လက္ခဏရုပ် (၄)၊ ၎င်းင်းတို့ကိုပေါင်းသော် နာမ်ရုပ်ပေါင်း၇၅-ပါး ရသည်။
၎င်းင်းကို အဇ္ဈတ္တ ဗဟိဒ္ဓ သန္တာန် ၂-ပါးနှင့်မြှောက် (၁၅၀) ရသည်။
၎င်းင်းကို ကိလေသာ ၁၀-ပါးနှင့်မြှောက်သော် (၁၅၀၀) ဖြစ်သည်။
ကျက်မှတ်ရန်။ သံပေါက်ဆောင်ပုဒ်
နာမ် တေပညာ၊ နိပ္ဖန္နာ၊ တည်ပါ လက္ခဏ။
သန္တာန်နှစ်ဖြာ၊ မြှောက်ပွားခါ၊ တစ်ရာငါးဆယ်ရ။
ယင်းကိုတစ်ဖြာ၊ ကိလေသာ၊ ဆယ်ဖြာ မြှောက်ပြန်ရ။
တစ်ထောင့်ငါးရာ၊ ကိလေသာ၊ ထိုခါ ဖြစ်သည်ပ။